flóra

Flóra býður upp á sérvalda muni úr íslenskri og þýskri menningarflóru. Áherslan er á áfram-nýtingu, endurnýtingu og nýja muni sem eru framleiddir í heimaframleiðslu eða hjá litlum framleiðendum undir vænum kringumstæðum fyrir fólk og náttúru. Hér má meðal annars finna fatnað, hunang, kaffi, bækur, tímarit, myndlist, kerti, krúsir, dúka, flöskur, töskur, tuskur, reykelsi.

Flóra er með vörur eftirtalinna framleiðanda og listafólks:

 Auður Helena Hinriksdóttir   ásta créative clothes   Árdís Kjartansdóttir   Beate Stormo   Engel   g=9.8   George Hollanders   Hadda   hespa   Hlynur Hallsson   Hrefna Harðardóttir   Hugi Hlynsson   Imker Klaus‑Volker Link   Júlía Runólfsdóttir   Kaffismiðja Íslands   Organella   Selana   Snorri Ásmundsson   Sælusápur   stubbur   Sturm‑Strick   urta islandica   Unnar Örn   Útúrdúr   ofl. 

Flóra stendur fyrir sýningum, viðburðum og uppákomum. Arna Guðný Valsdóttir, myndlistarkona var fyrst til að sýna í kjallara Flóru, en á eftir henni komu Þórarinn Blöndal og svo Snorri Ásmundsson, myndlistarmenn. Í júní 2011 voru stuttmyndir Ellu von der Haide “Another World is plantable” sýndar og ræddar. Á Akureyrarvöku 2011 stóð Flóra fyrir gjörningnum “Menningarbrautin” ásamt Mjólkurbúðinni.

Föst sýning er í sölurými Flóru á gömlum munum, ljósmyndum og bókum frá Iðnaðarsafninu á Akureyri og úr eigin safni Flóru, sem brúa bilið milli Efnagerðarinnar Flóru sem var í sama húsnæði í áratugi og hinnar nýju Flóru, en þar fær fólk innsýn inn í þá ótrúlegu starfsemi sem var í Grófargili í denn. Sú sýning ber heitið “verk-smiðja".

Uppi á svölum í Flóru er vinnustofa Kristínar Þóru Kjartansdóttur sem starfar sjálfstætt sem félagsfræðingur, garðyrkjukona og er einnig framkvæmdastýra Flóru. Samhliða rekstri Flóru, þá vinnur Kristín að félagsfræðilegur rannsóknum sem liggja á mörkum garðmenningar, umhverfis-náttúrumála, neyslu-matarmenningar, en tekur líka að sér skipulagningu viðburða og starfar sem lausapenni.